السلام عليكم و رحمة الله و بركاته
دي سلسلة أنا اخترعتها حابب أتكلم و أفضفض فيها معاكم عن حاجات قابلتها و اتعلمتها في حياتي ودي سلسلة هتكون خارج الانمي ممكن حد يستفاد بيها وبضيفها ليه علشان ده موقعي و اعمل فيه اللي انا شايفه مناسب و ممكن تستفادوا منها بشكل أو بآخر ومع طرح هذا المقال سيتم فتح التعليقات بالموقع بشكل عام لنتمكن من التحدث معا و المناقشة إن أحببتم سواء هنا أو في أي من صفحاتنا.
مع الكبر وخصوصا بما يحدث من حولك من ظروف سيئة للجميع تجد نفسك محاطا بأكبر طاقات سلبية عرفتها البشرية على مدار القرون الفائتة و هذا للاسف أمر على مستوى العالم العربي كله
الواحد حاسس إننا فعليا عايشين في أسوء فترة ممكن تعدي بسبب نوعيات البشر اللي بنشوفها بقينا نشوف حاجات مكناش نتوقع تخرج برة الشاشة و الأفلام لأرض الواقع أبدا و أنا متيقن أن ده بسبب بعد الناس عن الدين فذهبت راحة النفس فربنا ترك الإنسان لنفسه و هي كفيلة بإهلاكه حرفيا
الشباب حاليا بتعافر حرفيا بتعافر مش زي زمان الدنيا كانت أسهل من دلوقتي و أجمل في أسوء أحوالها لا حاليا إحنا بنعافر علشان بس نحصل على أبسط الحقوق أكل و مشرب و ملبس و لو انت محظوظ يكون عندك دار أو كان والدك أو جدك فكر صح وكان وفرهم قبل مولدك غير كده حاليا مستحيل يعتبر توفير هذه الأساسيات بسهولة أبدا على الأقل لازم تصرف قدر كبير و تضحي بحاجات كتير جدا في سبيل توفيرهم و هنا مثلا ممكن تضحي بوقتك كله و تشتغل على الأفل 18 إلى 19 ساعة يوميا والله أعلم إذا كانت شغلانة واحد أو إثنين باليوم فتنسى الأصحاب و الأصدقاء و الأهل أو على حساب صحتك أيا كان للأسف لازم تدفع ثمت عالي حاليا علشان تحصل على أقل حقوقك كإنسان
أنا شايف إن فعليا من أسباب الموضوع ده هو توغل الفكر الغربي المتخلف وأنظمتهم المتخلفة و مرة تانية بعدنا عن ديننا و تعالم دين الإسلام فتلاقي الناس بتقتدي بشوية المتخلفين اللي بيقطعوا هدومهم علشان موضة او يقلدوا أنظمة شركات و دول بتعاليم تهدم القيم الصحيحة وطبها أنظمة التقسيط و قنابل الربا اللي إنفجرت في العالم و الي لوحده الربا كفيل بلعن اللي بيعمله و كمان محق البركة فتلاقوا البركة فعلا تكاد تكون غير موجودة بالوقت الحالي و الناس تتسائل الفلوس بتروح فين
على النقيض ده بيكون كمان بسبب أسس التربية عند الأسرة العربية والجهل المنتشر و الأمية فكل الناس حاليا نادرا ما تتفقه في الدين او تتثقف علميا و ده بيؤدي إلى خروج أجيال بتعاليم خاطئة و متخلفة تحسهم جيل نايتي كده أو زي ما بيقولوا جيل تعبان فكريا ممكن يتضحك عليه بأي كلمة أو أي تأثير فكري من جهات خارجية فالتكرار يعلم الحمار وده الأسس اللي بيستخدمها أصحاب الأجندات الإعلامية فعلى سبيل المثالل موضوع المثلية شايفين انهم لما يفضلو يكرروه و يدسوه بكل شىء و الناس تقلل اعتراضها عليه فمع الوقت هيكون شىء عادي وده بينجحوا فيه فعلا بسبب ركاكة الجدار العقلي المتواجد عند الجيل الحالي والسموم المدسوسة بالعسلفي عقولهم الباطنة الا من رحم ربي من الأسر التي تحارب كل ما هو غير أخلاقي بكل قوة فشابوه ليكم و استمرو التغير قادم
من الحاجات اللي اتعملتها في حياتي إنك دايما بتكون لوحدك طريقك خاص بيك ومحدش هيساعدك فيه لو كان مين الفكرة أنك بتأنس بالناس و ربنا بيسبب الأسباب ومن الأسباب دي ممكن يكون البشر ويتم تسخيرهم في أمور حياتية او غيره طلبتها من ربنا افتكروا دايما أن نهاية الطريق في الأخرة مهما كنت مين أو قدر حبك لشخص ما أد ايه كل العالم بلا أي إستثناء هيقول نفسي نفسي
علشان كده دايما خلي طلباتك و إعتمادك على ربنا مهما كان مطلبك إيه و مهما كان بعد عنه و مهما كنت عاصي إن الله لا يمل حتى تملوا محدش فيكم يمل ربنا موجود إرجع إستغفر متوقفش طولحيات مهما بعدت إفضل قرب لو محتاج أيا شىء أطلبه من ربنا لو نفسك في كوباية مية أطلبها عادي اطلب من ربنا ملكش غيره
دي نصيحة هسيبها عن تجربة شخصية ممكن أبقى أقلكم بعض القصص إلي قابلتها من وراها عن تجارب شخصية فعلية ادعوا ربنا بالي نفسكم فيه مع سورة يس و الصلاة على النبي 1000 مرة و الله الذي لا إله الا هو أيا كان الأمر مستعصي و المشكلة لا يبان لها حل لا من قريب و لا من بعيد فستجدها حلت فما ضاقت الا فرجت و الأمر ده لكل الناس قربوا من ربنا أكتر هتلاقو الحياة في ظل كل الموحش المنتشر بتهون و بتحلو مع الوقت و هعيكون عندكم سعادة و رضا نفسي
بهذا اكون أنتهيت من الحلقة 1 من سلسلة مقالات فضفضة التي سأطرحها أتمنى أن أكون وفقت فيها وأن يكون هناك إستفادة حتى لو بسيطة مع العلم لو حابين نتكلم في مواضيع معينة مستقبلا ممكن تكتبولي في التعليقات
هذا كل شىء للان و السلام عليكم و رحمة الله و بركاته
ياريت تبقي تكمل في السلسلة دي للامانة انا اسمتعت و استفدت منها
ردحذف